عدت إليك ياأبى

هما كانوا يمكن ساعتتين وكنت فى قريتنا قادماً من القاهرة حيث عملى والزحمة والمواصلات والضوضاء و ووووو.................. طبعا كنت مروح مش عشان أستريح يومين ولا حاجة أحنا أناس خلقت لتعمل فى الأرض فقط ليس لشئ أخر جالى مكالمة من أمى قالتلى أبوك تعبان ولازم تنزل ضرورى طبعا ذى المجنون سافرت مش عارف قد أيه وقت مر عليا لكن كان كتير روحت البلد لاقيت أبويا نايم على السرير ومش قادر حتى أنه يتكلم مش عوايدك يا أبويا فين أستقبالك لى بالاحضان فين أبتسامتك و سؤالك عن أحوالى قبلت يديه وأنا أبكى فلم يكن يسمح لى بتقبيلها من قبل وكان يمازحنى بقوله" أنا مش عاوزك تنزل تبوس أيد أى حد حتى لو كان أبوك " . أأه يابويا ياصاحبى يا أخويا وأبويا وكل حاجة لى فى الدنيا مالك ومال حالك وايه اللى أصابك تعبان، بتتألم، طب جاوب عليا وانا هسكت ومش رح أسألك تانى،،،، نظرة عنيه مليانه ألم وأصرار على مقاومة المرض لكن يعمل أيه هو ده المرض ! أستحمل بكرة تبقى زى الفل بس أوعى تنكسر كانت دى هى أخر كلمات قولتها له قبل ما أسيبه واجرى بعيد عنه أفكار وأسئلة واشياء كثيرة منيلة لا توصف إلا أنها بنت كلب جات على دماغى هو أبويا تعبان عشان أيه ؟ هو أنا السبب ولا مين السبب ؟؟؟ هو عشان طلبت منه حاجه كده وعصب عته قالى لأ ؟ هو أبويا هيشفى امتى من مرضة ويرجع يكلمنى تانى ؟؟؟ هو أيه اللى حصل ؟ لا لا أبويا كلها يومين وهيرجع تانى زى زمان ويمكن أحسن كمان طب والله مش راجع الجورنال إلا لما أشوف أبويا سليم وزى الفل وقد كان بعد خمسة أيام من الترددالت التردد على الأطباء والعلاج وخلافه الحمد لله ابويا رجع هو صحيح مش زى الأول لكن الحمد لله وانا كمان رجعت للشعل وربنا يسهل


هو يمكن كل الكلام ده مش هيهم حد غيرى بس أنا حسيت أنى لازم أكتبه